سالخير ✋يلا اقولكوا على شوية حاجات كده تعملوها ف فترة البريود
طبعا الفتره دى الواحده مابتبقاش طايقه حد ولا عاوزه تكلم حد ولو سيبونا على داعش هننفخهم 😂😂
اولا الاكتئاب طبيعى جدا ف الفتره دى عشان هرمونات جسمك ف ماتخنقيش نفسك بزياده وفضى غلك ف اى حد ياروحى ولا تكتمى ف نفسك ابدا 😂هنقول بقا شوية حاجات نعملها عشان مايبقاش فيه ريحه مش حلوه أفففف يعععععع اخس 😷😷
١-بصى حررتك موضوع انك تغسلى المنطقه دى بالمايه والصابون او الشاور كده هزعل وهجيب ناس تزعل 😂
مع كل تغيير فوطه هتشطفى المنطقه دى اللى انا مش عاوزه اقول اسمها يعنى 😂 بمايه وملح الملح بيطهر ومنه بيفتح وبيقلل الشعر كمان يعنى ٣x1 عداه العيب والله 😂
٢-الفوطه تتغير كل ساعتين لو الدم كتير او كل اربع ساعات لو عادى ماتزدش عن كده الا لو كنتى نايمه عشان الالتهابات والحكه والروايح 😷
٣-اختارى فوطه ملمسها قطنى عشان جلد المنطقه دى حساس اوى اوى اوى يعنى 😂
٤-اشربى سوايل سخنه وياريت لو اعشاب بقا واديله ادى
بلاش تشربى بيبسى او تاخدى اسبرين عشان ده بيعمل سيوله ف الدم وهتهبطى وتسخسخى ويالهوى ياختاااااى 😁
٥-اوعى تهب معاكى وتعملى سويت ف اى مكان ف جسمك انشالله لو صابع رجلك ولا تعملى حتى ماسكات ف وشك عشان الجلد بيبقى حساااااس جدا خالص مش هتيجى من ال٣ او ال٤ ايام دول ياوزه 😂
٦-اوعى تمسكى نفسك عن دخول الحمام ادخلى لو كل دقيقه وزى ماكون تعباااان وارتاحت 💃
٧-اغسلى جسمك بمايه دافيه واقفى تحت الدش خلى المايه تنزل على اسفل ضهرك كده هترتاحى والاهتمام بالمؤخره يجعلك دائما ف المقدمه والله المستعان يعنى 😂
٨-حاولى تتمشى بتاع نص ساعه كده منه هترتاحى ف انها تخلص على طول ومنها عشان تنزلى وزن ومنها تشوفى مناظر بلدك يا شيخه اتقى الله بقا 😂
٩-بعد ما البريود تذهب الى الجحيم ان شاء الله وتخلص احسن غسول للمنطقه دى هو المسك الطبيعى بقطنه كده وبعد ماتخدى الشاور وتنضفى تمام امسحى المنطقه دى بالمسك ..ريحه حلوه وهيمنع الالتهابات كمان
١٠- مش لاقيه حاجه اكتبها تانى 😂 ادعولى بس بالله عليكوا
إرسال تعليق
لايوجد تعليقات حتى الان على " بريود بدون الم او نكد او همدان اعرفى الطريقة من هنا "